端記茶樓

营业中

休息中

同老婆一齐行山最好就喺佢几挨得，上上落落几粒钟都闲事，趁周六，两公婆又「自由」行，无特定路线，由川龙起步，晌山上「响石」兜个圈当热身（原来山顶上有个好大嘅坟场「响石坟场」），跟住去端记叹完茶 ，再晌附近啲菜田行吓，最后就经城门引水道、老围一直行落荃湾市中心，悭番程小巴车钱，都唔喺第一次行，所以，都知道无乜难度，亦无乜危险性 。端记，你话佢怀旧又得，话佢地踎都得，总之，晌度食情怀、风味，多过环境同味道 。地下一层室内加啲户外位，地方企理少少，二楼就较多人钟意，因为景观开扬啲，一边喺有瓦遮头，另一边就全露天，不过，胶櫈一地散乱，依度无人特别招呼你，想坐边就坐边，一切随意，当然，二楼近栏杆边喺热门位；除非你够人多坐得晒成枱，搭枱喺必然规矩 。喺度食嘢，比食自助餐更自助，你去酒店食自助餐，自己去拎食物，但点都有人斟茶递水俾你；端记，基本上无服务可言 ，洗壶、冲茶、攞点心，全自动，自已自动自觉搞掂 。所有点心就晌楼下厨房，无点心纸，无介绍，亦揾唔到价目表（喺我无刻意揾，亦费事问），有啲包款唔知喺乜，你问到，阿姐都会答你；个笼里面有咩点心，唔使问，自行打开睇睇就可以；捧住一盘点上，行番