Angelato - Handcrafted Artisan Gelato (已結業)

清明节相约友人行山，于何福堂上麦理浩十段前往黄金海岸，今日真系好热好大太阳 （证明清明时节未必雨昏昏），沿路见到好多孝子贤孙拎埋d烧猪除草机上山，不禁佩服起上黎。大概行左个半钟就到左黄金海岸商场，当时真系热成狗，身水身汗，所以见到间gelato，我谂都冇谂就冲左入去 （备注：因为50胃唔好甜野，正常应该唔会咁冇抵抗力）。最后我拣左个regular size，即系两球，我order左一球芒果（店主话系芒果王）同一球cookie and cream。只芒果味系exactly24D芒果干既味，都几好食，相对cookie and cream系比较清新。至于cookie and cream系偏甜同重奶味，好适合小朋友同女仔口味，因为我见到前面几个家长都话自己小朋友觉得cookie and cream好食要encore，但就唔系我杯茶。但总括行完山可以食到一杯雪糕系令人开心既事。