影片
更多
2017-08-07
269 浏览
星期日，去左行水塘；行出一行七人就搭车去赤柱下午茶啦。原本讲话去食汉堡的，所以仔仔一直好期待行出山去食汉堡。点知去到赤柱，花多眼乱；入左间冇乜汉堡选择的餐厅重要全部一个价，叫乜都系148。但系都坐底左啰，唯有照叫野食啦。海边环境就真系几好既，佢又多风扇又有大伞遮太阳，又唔算热，不过D椅就唔多舒服啦。坐底就一人一张餐牌，3个分类，中西式同Pizza；最后7个人叫左5个餐再加1个小食（小食系后加的，后来问佢再拎餐牌先有小食不过老公话有果个餐牌，只系冇传到我地手）。一开始就叫左德国肠，Pizza，千层面，沙律同炸鱼薯条，5个餐7个人食，原本谂住都差唔多，因为头先一边行山，大家都食左唔少面包果D。但仔仔食完重系度鬼叫，不停系我耳边话重想食，所以最后加多左个小食基本都系我仔一个食晒。落完单冇耐就即上左德国肠；一见到个Size就有D失望啦，收得148；以为会大条D啰；点知比我平时系超市买黎做早餐或焗意粉的肠仔重要细条。7个人分，真系每人一啖仔咋咁鬼细条，好心比4条啦！上完肠仔，跟住就黎左几杯餐饮；餐饮系细杯D既，不过啤酒又好，柠茶又好，都好饮既。另外再加的啤酒，Total好似叫多左4杯，因为餐饮得
坐底就一人一张餐牌，3个分类，中西式同Pizza；最后7个人叫左5个餐再加1个小食（小食系后加的，后来问佢再拎餐牌先有小食不过老公话有果个餐牌，只系冇传到我地手）。一开始就叫左德国肠，Pizza，千层面，沙律同炸鱼薯条，5个餐7个人食，原本谂住都差唔多，因为头先一边行山，大家都食左唔少面包果D。但仔仔食完重系度鬼叫，不停系我耳边话重想食，所以最后加多左个小食基本都系我仔一个食晒。
德国肠148
25 浏览
0 赞好
0 留言
跟餐的饮品
25 浏览
0 赞好
0 留言
啤酒
$80
25 浏览
0 赞好
0 留言
凯撒沙律
$148
25 浏览
0 赞好
0 留言
蕃茄芝士Pizza
$148
16 浏览
0 赞好
0 留言
炸鱼薯条
$148
46 浏览
0 赞好
0 留言
全场最好味的炸鱼薯条，亦系唯一大家觉得佢值148既餐。炸鱼真系好大块，又香又脆，而入面既鱼肉又一D都唔会干。
肉酱千层面
$148
21 浏览
0 赞好
0 留言
食完以上的，大人都系度倾计啰，净番仔仔不停系我耳边话，唔够重想食；已经比番炸鱼薯条既薯条佢啦，净番一旧仔炸鱼都比埋佢。但佢真系唔够，最后我顶佢唔顺都系要问人拎餐牌再叫野食。本来重谂紧又叫多个餐，多杯饮品的。点知今次拎既Menu同头先比既Set Lunch牌唔同，有小食；咁就叫小食好过啦，饮品已人人都有。
沙嗲鸡串
$80
11 浏览
0 赞好
0 留言
最后埋单，7个人每位平均要180；虽然话另外叫左4杯啤酒，但男仕都话啤酒比酒吧的要平啦，只系佢地都觉得148一个餐唔值啰。而饱唔饱，老实，我仔就算加完单都系唔饱的，我自己咁细食都唔觉得饱；其他人，我就真系唔知，佢地到底饱唔饱，不过可以Sure 既系大家都觉得所有既餐都唔值148啦，如果可以好食D可能会唔同讲法，但系咁一般既水准，就真系冇下次。
讲真，环境系几好，味道就好一般啦，我都知系做游客生意；但系148一个咁既餐，真系唔多值，大约只值98 - 128左右；如果唔系话游客区，其实顶多系48-68添咋不过咁，睇佢做游客生意都完全冇预人再帮衬，148斩你一次，应该唔会有人帮衬第二次。而我都已同仔仔约好，等9月10月，天气冇咁热，我再同佢入赤柱行街食午饭；不过依间餐厅，一定唔会再帮衬啰；实在太唔值得。
张贴
