威記海鮮酒家

营业中

休息中

见呢几日天气几好，决定做一啲有益身心嘅活动。先系入南丫岛行山再食海鲜餐。本身谂住行一阵，以为就到就到，我哋由榕树湾行咗两个钟到索罟湾。行完又渴又攰又肚饿，即刻揾嘢食医肚。我哋谂紧食海鲜边间好，见到最有名嘅天虹有埋船接送客出返巿区，但系最后都系拣咗旁边嘅小店威记海鲜酒家帮衬。我哋坐喺海边嘅位，客人唔多，但食物质素我哋两个满意。虾用最简单嘅白灼，虾新鲜而且唔细。炒蛏子，好惹味，份量都几满意☺。椒盐鲜鱿，粉浆有啲厚，鲜鱿新鲜弹牙😆。蒸扇贝，够大只，粉丝又多吸晒啲汁好味。蒸海斑，唔太大条，蒸得啱啱好，好滑。