蟹點

营业中

休息中

来到港岛南区，港岛南线尾站海怡半岛站呢度都好方便有海鲜食。行完山揾嘢食，位于鸭脷洲西邨嘅《蟹点》有好嘢食，朋友介绍呢度嘅白胡椒蟹好出名。地方阔落，楼底够高，好适合大伙儿大圆枱欢聚吃海鲜，仲有一些户外位置。基本上有两本大餐牌，中式海鲜及泰式小菜。招牌白胡椒蟹~上菜时铁板香喷喷，倒入酱汁吱吱声响，感觉更美味，食落更滋味，白胡椒蟹喺呢度嘅招牌菜，蟹系属于凉寒凉嘅食物，白胡椒正正可以平衡返，香辣嘅胡椒味，新鲜肉蟹啖啖惹味，蟹钳肉真的无法抵抗， 蟹爪丝丝白肉坚鲜甜，仲有蟹壳嘅膏，正！中午泰式套餐泰式Suki炒海鲜粉丝~足料泰式炒粉丝，鱿鱼、鲜虾、青口肉等，辣辣地好醒胃。泰式冻奶茶~只当冻饮计，泰式奶味香浓。红豆椰汁冰~椰汁冰好解渴，红豆有益，炎热天气下嘅好选择。食完返屋企都好方便，海怡半岛A出口就喺附近，行天桥落到去就会见到港铁出口。