葉香留

营业中

休息中

今日系湾仔区游走左大半日，系返屋企之前都会想帮个人清一清热🙈想去再饮吓由细饮到大嘅街边凉茶，由2000年我系湾仔区读书印象中果阵7蚊碗，到依加已经加价至14蚊碗(依加转佐纸杯装)，谂返起都觉得好夸张😆但我都仲会好支持依度嘅野葛菜水，可能系情意结嘅关系，因为原来我屋企人同朋友都不约而同饮左尼间嘅野葛菜水好耐😆讲真大部分凉茶俾我嘅感觉都唔好，又苦又中药味，原本想清热吓谂谂吓d苦味都唔想饮，但野葛菜水又出奇地令我无尼种反感，因为佢无大部分凉茶嘅苦味中药味，反而好易入口，清甜回甘😋今次我直接买佐33蚊支装同屋企人一齐share，感觉重甜美佐🤣铺头外观基本上同20几年前差不多，保留佐果份人情味，令我哋去到湾仔就谂起尼间野葛菜水，即刻就想清吓热，回一回味。