影片
更多
2024-02-11
1276 浏览
今日系年三十，公司提早放下午，难得可以不慌不忙不赶的食餐晏仔，再去行花市。随意走到苏杭街，因为这一带有许多小店，不乏有 heart 之选。走到木，骤眼看仲以为系一间卖简约衣物的店舖，再看门口竖立嘅 Menu 板，噫~𠲖，有嘢食㗎噃⋯⋯睇落几得意，于是入去试试。个 Menu 系超简单，但一定揾到可以入口的，有牛有猪有海鲜仲有 veggie 。我事头拣咗牛丼，我就拣海鲜意粉。店内布置简单以木为主，地方细细，稳藏许多喵咪的小东西，例如有画(无影低😅)有吊牌，我估店东也许是爱猫或毛孩之人。餐厅有两层，今日上层 full house，无机会探索，我同我事头响下层corner位坐high chair ，对㕑师备餐一目了然，又系另一享受。意粉属al dente 类，有咬口，面头两只虾煎起来很香，个龙虾汁都好好味，辣辣哋，开胃嘅。牛丼个sauce 都好味，配珍珠米好正👍🏼，虽然色水好似好深色咁，但食落唔会过甜又唔会过咸，恰到好处配上几片腌渍莲藕片，酸酸哋，balance番汁煮牛肉浓厚味道，我个人认为系一个小亮点。店舖𥚃除了个靓女厨师，好年青，仲有个靓仔「非」厨师(我估咋唔敢确定)，眼见佢唔煮嘢食，但其
走到木，骤眼看仲以为系一间卖简约衣物的店舖，再看门口竖立嘅 Menu 板，噫~𠲖，有嘢食㗎噃⋯⋯睇落几得意，于是入去试试。
个 Menu 系超简单，但一定揾到可以入口的，有牛有猪有海鲜仲有 veggie 。我事头拣咗牛丼，我就拣海鲜意粉。
店内布置简单以木为主，地方细细，稳藏许多喵咪的小东西，例如有画(无影低😅)有吊牌，我估店东也许是爱猫或毛孩之人。
餐厅有两层，今日上层 full house，无机会探索，我同我事头响下层corner位坐high chair ，对㕑师备餐一目了然，又系另一享受。
意粉属al dente 类，有咬口，面头两只虾煎起来很香，个龙虾汁都好好味，辣辣哋，开胃嘅。
牛丼个sauce 都好味，配珍珠米好正👍🏼，虽然色水好似好深色咁，但食落唔会过甜又唔会过咸，恰到好处配上几片腌渍莲藕片，酸酸哋，balance番汁煮牛肉浓厚味道，我个人认为系一个小亮点。
店舖𥚃除了个靓女厨师，好年青，仲有个靓仔「非」厨师(我估咋唔敢确定)，眼见佢唔煮嘢食，但其他嘢都做，冲咖啡捧餐执枱洗碗碟，厨师都系煮完餐亦捧埋餐上二楼，两位亦抽时间同我哋吹吓水，知道开舖大概7个月左右，见到佢哋好努力，觉得好值得支持支持。
我哋以一个冻冰冰嘅甜品做句号⋯⋯菠萝刨冰yogurt ，好味嘅，相信夏天食会更开心。
我事头知我写食评，佢都加少少善意提醒，佢嘅评语系人情味温度好够，如果食物温度都一样咁高就完美了，毕竟冬天食物入口热辣辣，整个人感觉暖和好多😊满意度就可以再提升。
整个用餐过程系非常舒服愉快，食物味道都系好唔错，系一个开心的体验。
体验日期: 2024年2月9日
张贴
