食葩 (已結業)

遇著另一半休息，我地入到元朗食午饭，难得系平日，又再次黎到食葩，下午茶时间都有唔少客人，可能系附近嘅上班族。我地坐近门口嘅二人枱，小店规模，唔好讲舒适度喇，干净企理我意收货。睇左餐牌，同之前一样，不过我地今次只系想饮淡汤，所以就唔谂咁多喇，一人一碗。丸杂枸杞汤 $25点左双拼，肉丸有猪肉香，有少少弹性，汤底比起我屋企自家煲嘅无咁浓郁，但就十分清淡，带少少胡椒香。可能因为双拼，猪杂量唔多。胡椒猪肚汤 $23第一次试胡椒猪肚汤，好钟意啊，可能天气凉，饮淡胡椒味重嘅汤，好暖胃。猪肚都唔少，其实都抵饮，讲真出去买个汤包都四、五十蚊架。