燈籠滷味 (登龍街) (已結業)

见佢都开咗一段时间，今日经过就试试佢。叫咗3𩠌（大肠、鸭血、杏鲍菇、油面试下），再加杯热黑糖奶茶。终于送上食物同饮品，个样睇落好味！食第一口系鸭血，完全冇味。咁就再试下大肠，话哂系卤水食品店，而且颜色唔错，但食落唔系想像中的味道，淡到呢，唔似食卤味咁！再试埋杏鲍菇，都系淡淡的，但反而索到汁系外面，所以，有少少味。心谂，好在叫3𩠌啫，如果唔系，肯定唔开心。咁嘅价钱，应该可以食到好味的车仔面、米线或者河粉。食咗两啖都顶唔住咁淡的味道，基本上系冇咩咸味。最后拎咗碟辣椒油加味。杯热珍珠奶茶冇匙羹，只比胶饮管我（其实我唔想用胶饮管）。问员工，佢话冇热饮匙羹，佢话要匙羹可用食面的匙羹，我真系O咀。饮品味道算正常啦！不过，本人真系试完就算！但我见隔离的女仔叫咗好大碗面（冬粉底），因为见到好多款𩠌，见佢食到sir sir声。食物味道真系好个人，唔啱我呢个钟意食嘢的人。