Pickled Pelican (已結業)

劲耐冇嚟赤柱，天气好热即刻想揾间餐厅坐低凉吓冷气，朋友见到门口个menu牌，碟Roasted Octopus入面有好多好大粒八爪鱼呀！二话不说上楼上坐低叫咗，仲叫咗个cheesy lava和牛汉堡，加钱转蕃薯条。汉堡嚟先，面头成条脷咁嘅cheesy lava干干地，好在夹喺入面嘅芝士算多亦唔干、牛肉都juicy、配埋烟肉同梅干，口感丰富;蕃薯条外脆内软有甜甜地蕃薯味，系满意嘅。食到咁上下朋友期待已久嘅八爪鱼终于到啦，见到碟嘢即刻劲失望🤣系咁问我碟八爪鱼系咪比人食左一半🙈份量系少嘅，不过味又唔太差，八爪鱼几淋身，鲜味就唔太食得出啦，同其他配料都几夹嘅，车厘茄同薯仔同个酸酸地嘅汁都几开胃，如果上左八爪鱼做前菜先上汉堡，可能失望感冇咁大😂