千家客 (已結業)

星期六出街周围 hea，由港景峰落车向旺角方向行，行过佐敦道食市林立，但系未肚饿所以冇留步，行过玉器市场八卦，途经上海街，见到呢间 ，当时12点松D，见有少少饿咪入去试下啰。入去见到得一枱人，好多位任坐，坐低望下餐牌绝对冇3毫子嘅食品卖，大家都知3毫子系绰头嘢，意思系怀旧风味，唔好咁认真啦～叫左个猪肉云吞面同义烧粗面。粒猪肉云吞几实浄，但系唔太有猪肉味，云吞皮好滑好正，D 面虽然唔系超级弹牙，但都爽口嘅，菜心可能唔合时，好老有渣。碗义烧面其实又冇乜特别，半肥瘦唔鞋肥膏爽脆系好食但唔够 "蜜汁"，个粗面一样系唔够弹但都算爽嘅。去到最重要嘅汤底喇，佢舖入面D 鳝稿写住汤底系用猪骨、虾壳、大地鱼去熬嘅，老实讲，碗面一上枱嘅时候其实我望落去系觉得偏油嘅，但食落口又唔系㖞，饮一啖汤都觉得几清，虾壳味重过猪骨大地鱼味，算系顺喉嘅。总结系行过可以食下，特登出黎食就唔使喇。