影片
更多
2021-12-30
24 浏览
临近年尾都系朋友仔约食饭嘅旺季，仲要撞正咁冻嘅天气，打边炉梗系朋友聚会嘅最佳首选喇！听到朋友推介呢一间位于油麻地嘅隐世火锅小店，即使我系住呢头附近都唔系好发现得到，我𠮶日都系经过见到门口条Banner 先发现到佢。即使门面唔系好明显，但食完真系觉得佢系高质火锅之选！同一般贴地火锅店一样，佢都系有地下同埋阁楼两层，我哋𠮶日去到即时多人都唔使等位。 值得一赞嘅系老板同埋伙计服务都非常之细心，店面亦都有准备一次性口罩袋，值得一赞！好多人以为打边炉用料系最重要，但系我觉得汤底都系缺一不可！ 舖头有12款汤底可以选择，我哋点左胡椒浓汤猪骨汤底，味道真系非常之浓郁同埋有好重嘅胡椒味，汤底亦都有唔少嘅配料，系咪真系用呢啲料熬制就真系唔知喇，但味道真系足以比个like 佢。讲到食物方面其实真系有啲喜出望外，其实舖头嘅食物价钱系偏中上，既然入得黎食，我哋就点左顶级安格斯牛颈脊试试佢系咪真系咁顶级。碟牛肉嚟到我哋都哗哗声，因为卖相真系非常之靓，味道口感真系对得住佢价钱，而且肥瘦均匀，又唔会切得太薄，绝对唔系一般放题食火锅店可以比到嘅质素。钟意食牛肉嘅朋友真系对自己好啲要选择顶级系列嘅牛肉。我哋𠮶日唔系叫
听到朋友推介呢一间位于油麻地嘅隐世火锅小店，即使我系住呢头附近都唔系好发现得到，我𠮶日都系经过见到门口条Banner 先发现到佢。
即使门面唔系好明显，但食完真系觉得佢系高质火锅之选！同一般贴地火锅店一样，佢都系有地下同埋阁楼两层，我哋𠮶日去到即时多人都唔使等位。 值得一赞嘅系老板同埋伙计服务都非常之细心，店面亦都有准备一次性口罩袋，值得一赞！
好多人以为打边炉用料系最重要，但系我觉得汤底都系缺一不可！ 舖头有12款汤底可以选择，我哋点左胡椒浓汤猪骨汤底，味道真系非常之浓郁同埋有好重嘅胡椒味，汤底亦都有唔少嘅配料，系咪真系用呢啲料熬制就真系唔知喇，但味道真系足以比个like 佢。
讲到食物方面其实真系有啲喜出望外，其实舖头嘅食物价钱系偏中上，既然入得黎食，我哋就点左顶级安格斯牛颈脊试试佢系咪真系咁顶级。碟牛肉嚟到我哋都哗哗声，因为卖相真系非常之靓，味道口感真系对得住佢价钱，而且肥瘦均匀，又唔会切得太薄，绝对唔系一般放题食火锅店可以比到嘅质素。钟意食牛肉嘅朋友真系对自己好啲要选择顶级系列嘅牛肉。
我哋𠮶日唔系叫咗好多嘢食，但系有一样嘢食系出边比较少有嘅就系甘香泡饭，一开始我哋都唔知系咩嚟，但又唔想叫公仔面咁普通就一于试试佢。佢嘅质感就好似炸米饭咁样，就咁食就冇咩味，但系一浸落啲猪骨浓汤度就非常之好食，个个都食到唔停手，如果想食啲饱肚又要啲新鲜感嘅朋友记住试吓。
我哋三位朋友食大约食咗$1100，舖头好似平时做紧八八折优惠，如果钟意高质火锅店嘅朋友记住唔好错过！
张贴
