嘉寶漢堡 (已搬遷) 新店位置

难得经开尖沙咀又唔知食乜好，唯有又开OPENRICE睇下有乜好食。我地两条友都麻麻地粥粉面饭，咁岩睇到呢间嘉宝汉堡，仲要系黄店，二话不说就拣定呢间。间舖位于漆咸围当眼位，招牌下分左两条队，一条系排外卖，另一条就排堂食，星期五既下昼人流唔算少，都几多人排㖞。不过懒理咁多，照排！排左半个钟松啲就到我地，店面位置唔多，都系得十个位左右，呢度系先嗌野食后入座既。今次我地就分别叫左芝士牛堡、炸芝士条、烤菇芝士牛堡同鸡翼，仲加左罐可乐。上餐速度快，半溶芝士盖住旧牛肉，好鬼吸引呀！包体偏脆，都几大个，咬开仲有生菜同蕃茄。烤菇好juicy！炸芝士条 - 应该系即叫即炸既，上枱既时候仲系热辣辣～仲有拉丝效果，咸香好味，忍唔住自己一个食哂鸡翼 - 偏甜带少少辣味，我觉得都几重口味，但就麻麻地啱我口味。两条友饱到捧住个肚出门口，大赞好味下次再黎会想试埋其他汉堡同炸蕃薯条。