牛大人台灣火鍋吃到飽 (加拿芬廣場)

营业中

休息中

一家三口去尖沙咀买东西，原本谂住去厚福街食晚饭，行过加拿芬广场见到呢间好出名嘅牛大人火锅，见5点左右应该唔使等，点知上到去都有几十人排队，哈哈!入到去职员好有礼貌咁讲解餐点消费，而且好有耐性，印象分已加!火锅经常都系食𠮶几款汤底，见到特别就想试，“台湾凤梨鸡锅”饮啖汤好清甜，里面有半只鸡喺度，怪不得!“澳洲和牛牛丸”肉汁丰富，口感一洗!呢度供应嘅牛肉认真唔错，我最钟意“澳洲和牛M5牛肩卷”牛肉味浓，烫一烫入口嫩滑，一流!“手切封门柳”有咬口但唔韧，有肉香，必点!“瓜仔鸡水饺”台湾好出名，第一次食又几特别，有点咸有点甜!“𫠒鱼珍珠浆”太座最喜欢，食完一筒再点一筒!其他食材真系绝对唔失礼，唔怪之得5点已经坐满人，香港人真系唔会蚀底㗎!饮品都有好多选择，好多款牛大人自家饮品例如洛神花茶之类，总有一款啱口味!“威士忌冬瓜茶”有小小酒精又唔会太重，值得一试!性价比高嘅火锅，唔怪得近期火红，下次一定再战!