靚靚 不一樣的車仔麵

营业中

休息中

好耐都无黎食靓靓啦，最近咁岩喺附近做完野，就过黎医医肚。靓靓其实一直都卖得唔平，不过胜在够大份同好食，今次叫左三𩠌车仔面，大肠、莲藕同生菜，同埋加左五蚊要黑松露汤底；三𩠌一面仲附送红枣雪耳水一杯。- 九转大肠 （另上的）味道依旧好食，好入味，酸酸甜甜唔过咸，不过就唔够软稔，好有咬口，我就觉得如果再稔d爆汁d就更好食。- 麻芥青莲藕（另上的）呢个系炸莲藕再淋上胡麻酱，份量一流，一个人食其实好多。莲藕系新鲜炸既，炸浆唔厚，热辣辣，爽口唔粉既；胡麻酱亦好慷慨，够点有突啦。鲜炸当然好食啦，加埋天下无敌既胡麻酱，呢个值得encore。- 黑松露汤底加五蚊就系加左个一小pat黑松露油啰，捞埋落碗面度真系唔觉有味。