隱町 (花園街) (已搬遷) 新店位置

上个礼拜，醒起有朋友讲过太子新开咗间食店，可能啱我口味，咁就过咗去试试。舖头喺横行，系就系难揾dd，不过嚟过附近嘅都会知大约位置。隔一条街就系酒吧街，饮完嚟食，又或食完再饮都得。一家四口，食咗二十几款串烧。鸡，牛，猪，菜，酒，叫齐。咁多款串烧，质高，尤其系几款内脏，鸡心，鸡肾，鸡肝，牛舌心。用料据讲用阿波尾鸡，澳洲牛，欧洲猪。今次得自己饮酒，所以饮咗日本手功啤。下次要饮sake 先得，事关见到舖头卖嘅都系一d 少见嘅品牌，但都系日本进口嘅。整体价钱当然唔系红磡长龙烧鸡翼咁嘅价，但又冇港岛区、尖沙咀嘅舖咁高。值得花时间揾揾路嘅隐町。