牛市 (已易手)

终于转凉，饮碗热汤真系好紧要！行过呢间舖头就闻到好浓牛味，有少少似卖牛杂的小食舖的味，所以就入黎试下~入去食嘅时候已经系下午茶时段，所以老细得闲可以同我哋倾下闲偈，佢推荐我哋食崩沙腩因为新鲜嘅比较少，男朋友就要左个咖哩牛腩粉配套餐~讲真，崩沙腩真系听就听得多，食真系未食过！崩沙腩系牛嘅横膈膜附近，比较少有，所以都会比较贵；我觉得几有咬口但牛味唔算出！牛汤调返转头比较出色！听老细讲，系用大量牛骨每日煲成十几个钟头，无落味精；闻落已经闻得出好大阵牛味，饮落更加唔驶讲，好鲜甜！唔好话用牛汤嚟煮河粉，就算就咁煮萝卜都好好食！椰香咖哩里面有薯仔，红萝卜，牛腩；咖哩好重椰香味，第一啖会觉得甜甜地，后劲就会有些少咖哩嘅辛辣味！薯仔、红萝卜、牛腩全部都入晒咖哩味！米粉一样系用牛骨汤，牛骨汤同埋咖哩完全冇撞味，加埋一齐食完之后会成身暖笠笠~套餐会跟一杯餐饮，五香牛辗，流心蛋~五香牛辗最出色，因为每一块牛辗都好入味，而且老细切得厚薄均匀，食晒都唔会特别觉得腻！糖心蛋就有卤水卤过~就算餐饮都系老细一家自制，所以配搭都几特别~金罗汉果花旗参茶饮落甘甜，好重花旗参味，参味散咗之后罗汉果有一种甘甜味慢慢咁渗出嚟，