荃灣鍋貼大王 (已結業)

今日放假一个人，瞓醒后就落街揾野食啦，唔想行咁远咁就去杨屋道街市附近果间荃湾锅贴大王试下啦！餐厅主要都系做下街坊生意，提供面，锅贴，饱点食物。咁我就坐低啦，望下个餐牌有咩食，发觉食物款式都多，同埋都啱自己口味，最后就选择左韭菜水饺面，锅贴5只同埋一杯热豆浆。豆浆就当然系最快到啦，暖暖地，可以即时入口，好香豆味，同埋唔系太甜，健康有益。跟住就到锅贴啦，煎得好香，里面料系肉得菜少，个皮厚厚的，煎到好脆，里面又多汁，平靓正。跟住到韭菜水饺面，店舖系用真正上海幼面，身为上海仔嘅我就一定知道，唔好睇佢个汤好似白白地色好淡咁样，其实都几够味，而如果想浓味一点，可以加由餐厅提供嘅豆瓣酱，而韭菜饺也非常足料，每只饺子都包到大大只，一个人食咁多野就真系好满足，会再黎帮衬。