火五越式牛肉粉專門店 (華生樓) (已結業)

太子地铁行五分钟就到，不用等位。食果时都多附近人士落黎叫外卖，一人套餐拣几抵，我地就嗌左啲特别啲嘅试下 ！👍🏼街坊价钱👍🏼食物多款选择👍🏼有特色item👍🏼食物质素中上(生)牛肉粉 $45黎到好大碗，牛肉多唔少嘅，生牛肉粉都系唔可以摆太耐，啲牛肉老左就唔可以食。果到有好几款酱汁比你加落去，仲有生辣椒🌶️，即刻个味道都提升晒。火五特式凤爪捞檬 $42未食过凤爪加捞檬! 凤爪酸酸甜甜咁，微辣，好爽口！推！提提大家佢果个捞蒙酸汁好重料，唔系好似出面果啲好水咁，建议唔洗落太多！意大利黑醋汁蒜蓉牛油鸡翼 $58几欣赏呢个黑醋汁嘅配搭，酸酸地，佢又有颇多蒜蓉系上面，味道上有层次感，仲要佢系连鸡翼尖😋手作大虾米纸卷 $38一个传统嘅越南小食，都系可以配酸汁食，每旧入面都有虾,萝卜,青瓜同粉丝做配料冻越南三式冰 $19椰味重过奶味好多，入面再加上经典嘅三色淀粉条，个人觉得如果太多会影响口感，好在佢比例都ok，食完辣野饮返杯就完美。