燒味滷師 (成城大廈)

营业中

休息中

街坊價錢，但係斬料款式多樣化，質素食極都冇變！疫情之下，菜價又貴，不如斬返幾個燒味啦。👍🏻半隻鹽焗雞加咗價，要$40先有半隻，但性價比依然好高。雞皮，雞肉都夠鹹而且非常嫩滑，雞皮嘅皮下脂肪唔算太油膩，可以點配一下沙薑汁！👍🏻1/4 燒鵝喺玻璃窗望到一隻隻燒鵝色水好靚，好有光澤，買咗¼隻下莊。鵝油滿溢，肉質唔鞋，塊皮番焗左之後仲有少少脆添，記住問返姐姐拎啲調味！！👍🏻半斤叉燒叫咗半肥瘦，油脂分佈得好平均，食落幾有咬感、肉質都軟淋，蜜汁做得濃醇香甜，不過食多兩舊就會覺得有啲鹹。👍🏻海蜇泰式鳳爪我嘅最愛永遠都係呢份，今日見到即刻又買返兜。海蜇爽口入味，鳳爪去哂骨，食落爽脆！