影片
更多
2023-01-13
98 浏览
今日要嚟大埔出 Job，见时间尚早，先去附近食个午餐。之前帮衬过土瓜湾𠮶间「茶舍」，原来大埔墟都有分店，晏昼就一于喺呢度开餐。餐厅以港式冰室美食为主，由装潢以至食物方面都走年轻路线。午餐选项非常丰富，有厨师之选、常餐、滑蛋包饭、龙虾汤、和风之意选、Pizza 及焗饭等，而且定价十分相宜。我哋每人点咗一个午餐，蒲烧鳗鱼炒珍珠饭 ($65) 卖相很吸引，饭面铺满木鱼碎，再伴以粟米粒及蘑菇，用料十足。鳗鱼份量适中，鱼肉富弹性，软腍又不失肉感，入口有鱼油香。珍珠饭亦炒得啱啱好，粒粒都色泽饱满，而且干身不油，保持到应有嘅口感，上桌时香味扑鼻。另外呢客千岛酱海鲜披萨 ($68) 亦非常正，Pizza 焗得相当酥脆，而且馅料组合亦恰好，有三文鱼、粟米、紫洋葱、杂菇、菠萝同火箭菜，加上一层薄薄嘅千岛酱，十分美味，令人食欲大增。午餐送热饮，+$3 可配冻饮，而 +$10 更可以转特饮。点咗冻奶茶同龙凤可乐，可乐配咸柠同我至最爱嘅柠檬，冰冻又解渴，入口透心凉！一场嚟到，梗系要食埋甜品先走，一口气点咗三件，分别有朱古力芝士蛋糕 (+$16)、柚子芝士蛋糕 (+$16) 同 意大利栗子法式布朗尼 ($26
今日要嚟大埔出 Job，见时间尚早，先去附近食个午餐。之前帮衬过土瓜湾𠮶间「茶舍」，原来大埔墟都有分店，晏昼就一于喺呢度开餐。
餐厅以港式冰室美食为主，由装潢以至食物方面都走年轻路线。
午餐选项非常丰富，有厨师之选、常餐、滑蛋包饭、龙虾汤、和风之意选、Pizza 及焗饭等，而且定价十分相宜。
我哋每人点咗一个午餐，蒲烧鳗鱼炒珍珠饭 ($65) 卖相很吸引，饭面铺满木鱼碎，再伴以粟米粒及蘑菇，用料十足。
鳗鱼份量适中，鱼肉富弹性，软腍又不失肉感，入口有鱼油香。珍珠饭亦炒得啱啱好，粒粒都色泽饱满，而且干身不油，保持到应有嘅口感，上桌时香味扑鼻。
另外呢客千岛酱海鲜披萨 ($68) 亦非常正，Pizza 焗得相当酥脆，而且馅料组合亦恰好，有三文鱼、粟米、紫洋葱、杂菇、菠萝同火箭菜，加上一层薄薄嘅千岛酱，十分美味，令人食欲大增。
午餐送热饮，+$3 可配冻饮，而 +$10 更可以转特饮。点咗冻奶茶同龙凤可乐，可乐配咸柠同我至最爱嘅柠檬，冰冻又解渴，入口透心凉！
一场嚟到，梗系要食埋甜品先走，一口气点咗三件，分别有朱古力芝士蛋糕 (+$16)、柚子芝士蛋糕 (+$16) 同 意大利栗子法式布朗尼 ($26)
朱古力芝士蛋糕味道好香浓，面层嘅 Dark Chocolate 丰润不腻、入口即化。柚子芝士蛋糕轻盈软滑，柚子味很清香，能平衡返芝士嘅腻感。
最尾呢件 Mont-Blanc 味道亦十分讨好，栗子蓉幼滑绵密，同顶头嘅原粒栗子好夹，层次丰富鲜明。
张贴
