影片
更多
2018-11-04
385 浏览
其实我都真系好钟意饮茶下😚而且...我唔介意全枱都叫晒包点类嘅嘢😂真系好正🤤唔知有冇包控身同感受😚-✏️脆皮马拉糕 ($22)马拉糕嘅成个面系真系烘到好脆身 份量好大个 食落好松软 虽然脆皮呢样嘢都只系gimmick黎 味道唔会有分别 不过第一次食脆皮面嘅马拉糕 口感都几好 要试下🤤-✏️Hea包 ($23)Hea包个样其实应该系灵感于蛋黄哥🐥流心效果系真系好夸张 一笃左个窿出黎后 啲奶黄馅系好似汤汁咁标出黎🤣味道唔差而且整体个包嘅湿润度好好 不过我自己都系钟意一般杰身啲啲嘅流心而唔系好似汤汁咁 感觉会浓郁啲🤔-✏️非油炸脆脆虾多士 ($24)非油炸脆脆虾多士对比传统嘅虾多士最好嘅就系佢系烘嘅 但个多士嘅脆度绝对唔输俾炸嘅!脆得黎仲要唔洗怕油腻!不过面包狂热者觉得如果个多士再厚身啲仲正🤤唔好睇佢唔系好厚咁 但入面嘅虾肉都几足料😍而且系爽口弹牙的🍤❤️多士面系洒满芝麻 变左更加香😌推介呀!-✏️周师傅虾饺 ($16)✏️蟹子烧卖 ($16)虾饺同烧卖呢啲普通嘅饮茶嘢食就麻麻地😦虾饺个皮好淋一夹就烂🤥啲虾肉好似霉霉地咁 烧卖食落都一般般 同上面介绍𠮶啲质素差左 所以我觉得黎呢度净系试佢痴喺窗特别介绍嘅
-
✏️脆皮马拉糕 ($22)
马拉糕嘅成个面系真系烘到好脆身 份量好大个 食落好松软 虽然脆皮呢样嘢都只系gimmick黎 味道唔会有分别 不过第一次食脆皮面嘅马拉糕 口感都几好 要试下🤤
-
✏️Hea包 ($23)
Hea包个样其实应该系灵感于蛋黄哥🐥流心效果系真系好夸张 一笃左个窿出黎后 啲奶黄馅系好似汤汁咁标出黎🤣味道唔差而且整体个包嘅湿润度好好 不过我自己都系钟意一般杰身啲啲嘅流心而唔系好似汤汁咁 感觉会浓郁啲🤔
-
✏️非油炸脆脆虾多士 ($24)
非油炸脆脆虾多士对比传统嘅虾多士最好嘅就系佢系烘嘅 但个多士嘅脆度绝对唔输俾炸嘅!脆得黎仲要唔洗怕油腻!不过面包狂热者觉得如果个多士再厚身啲仲正🤤
唔好睇佢唔系好厚咁 但入面嘅虾肉都几足料😍而且系爽口弹牙的🍤❤️多士面系洒满芝麻 变左更加香😌推介呀!
-
✏️周师傅虾饺 ($16)
✏️蟹子烧卖 ($16)
虾饺同烧卖呢啲普通嘅饮茶嘢食就麻麻地😦
虾饺个皮好淋一夹就烂🤥啲虾肉好似霉霉地咁 烧卖食落都一般般 同上面介绍𠮶啲质素差左 所以我觉得黎呢度净系试佢痴喺窗特别介绍嘅就够🤣
-
✏️粒粒奶冻咖啡 ($16)
唔单只食左佢嘅招牌包点 见到呢个招牌甜品我都好想试吓🤤🤤🤤
以前食过嘅咖啡糕个样系好似千层糕咁样样啡白啡白色间著一层层嘅嘅 但呢个好唔同 系见到一粒粒啡色嘅咖啡同奶撞埋一齐😆
深啡部份系咖啡味 米白色嘅部份就系奶味 咖啡味都真系几重 我觉得味道同伯朗咖啡嘅味道好似😌咖啡味几浓之余 仲配著甜嘅奶香 好正🤤🤤
而个糕嘅质地系结实啲嘅 好好喔唔会一拮就烂!推介要试埋❤️
张贴
