影片
更多
2018-04-26
118 浏览
上次喺大围揾到间平靓正嘅日本嘢，我个返乡下（I mean日本）仲多过我嘅老死又话想去试下，谂起又好耐无喺果边踩单车，就决定踩完单车再过嚟吔。以前运动完可以大吃大喝，而家老喇，反而系攰到食唔到咁多嘢，就拣啲特别想食嘅啦。鱼生饭本来就唔特别，不过呢碗山形角切鱼生粒珍宝赤虾饭，多出嚟只虾就真系够大只喇，纯目测佢有成六吋长两只手指粗，虾肉口感结实带黏性唔会霉烂，再啜埋个清甜嘅虾脑，感动。鱼生粒就符合预期，都系三文鱼吞拿鱼油甘鱼呢啲，睇个色泽都知品质唔错，鱼生粒嘅份量甚至乎多过饭添﹗点刺身饭可以换购三文鱼头鲛，我系相当钟意食三文鱼头嘅，应该话我钟意食熟嘅三文鱼多过生嘅，因为煮过嘅三文鱼啲鱼油逼咗出嚟更好食。有时啲餐厅嘅烧三文鱼头，就真系得个头无肉食，呢度仲有埋个鱼鲛位，价钱相同肉量Double up。虽然鱼头系样衰咗少少，但食落去肉质就好细滑，而且鱼头皮（唔系柒头皮）烧得香脆嗦嗦声。而鱼鲛就几厚肉，鱼肉夹起嚟唔会散但入口即融，又伴随住鱼油嘅甘香，呢个价钱真系自己整都无咁平。明太子手羽个样胀卜卜好似BB嘅鸡髀仔咁，卖相相当吸引，见佢咁胀卜卜就知里面酿咗唔少明太子啦。鸡肉咬落去虽然肉汁唔多，但肉质唔
以前运动完可以大吃大喝，而家老喇，反而系攰到食唔到咁多嘢，就拣啲特别想食嘅啦。
鱼生饭本来就唔特别，不过呢碗山形角切鱼生粒珍宝赤虾饭，多出嚟只虾就真系够大只喇，纯目测佢有成六吋长两只手指粗，虾肉口感结实带黏性唔会霉烂，再啜埋个清甜嘅虾脑，感动。鱼生粒就符合预期，都系三文鱼吞拿鱼油甘鱼呢啲，睇个色泽都知品质唔错，鱼生粒嘅份量甚至乎多过饭添﹗
山形角切鱼生粒珍宝赤虾饭
$68
13 浏览
0 赞好
0 留言
点刺身饭可以换购三文鱼头鲛，我系相当钟意食三文鱼头嘅，应该话我钟意食熟嘅三文鱼多过生嘅，因为煮过嘅三文鱼啲鱼油逼咗出嚟更好食。有时啲餐厅嘅烧三文鱼头，就真系得个头无肉食，呢度仲有埋个鱼鲛位，价钱相同肉量Double up。虽然鱼头系样衰咗少少，但食落去肉质就好细滑，而且鱼头皮（唔系柒头皮）烧得香脆嗦嗦声。而鱼鲛就几厚肉，鱼肉夹起嚟唔会散但入口即融，又伴随住鱼油嘅甘香，呢个价钱真系自己整都无咁平。
三文鱼头鲛
$30
6 浏览
0 赞好
0 留言
明太子手羽个样胀卜卜好似BB嘅鸡髀仔咁，卖相相当吸引，见佢咁胀卜卜就知里面酿咗唔少明太子啦。鸡肉咬落去虽然肉汁唔多，但肉质唔会霉，鸡皮如果再脆口啲就更好。里面嘅明太子份量同预期一样多，辣味唔会好强，加杯啤酒就爽喇。
明太子手羽
$48
9 浏览
0 赞好
0 留言
今次食嘅款式同上次唔同，不过一样水准唔错，尤其系呢度价钱够街坊，又唔使系旺区排大队，同埋我喺度返屋企仲快过由旺角返呢。
张贴
