吉豚屋吉列豬扒專門店

营业中

休息中

肥腻唔健康嘅嘢食一向都系好吸引，咁今次小弟就黎到吉豚屋试食。入面嘅环境好有日式快餐嘅感觉，整体尚算ok ，块地唔算好滑，但系翻过左胶嘅餐牌有啲油淋淋嘅感觉，建议可以定期换一换。本身小弟谂住去试佢个定食，因为咁先至可以同其他主打吉烈猪嘅铺头有直接嘅比较。但见到佢个套餐好抵好吸引，就叫左佢个滑蛋吉列猪套餐。套餐价值59蚊，而加吉列虾只需要6蚊。肉类🐷滑蛋猪扒饭最怕就系嘅啲蛋同啲汁整到件吉列猪淋晒，但今次小弟去试嘅时候呢个问题唔严重，系食到后面先至有少淋。而只猪都处理得唔错，冇咩异味。加左6蚊嘅吉列虾都表现得好好，㐋好脆同好有虾味。饮品&汤水🍵呢两样嘢就有啲失色，个汤味道唔算浓郁，但好在入面都有啲野菜同埋肉片。至于叫左嘅巨蜂提子乳酸特饮都系好一般嘅感觉，同埋都几有沟稀左嘅feel总结以一间唔洗排队嘅平民日式餐厅黎讲，吉豚屋嘅性价比相当高，系一间唔错嘅家常便饭之选。