M Kitchen (已結業)

疫情稍稍缓和，多返好多人出街食饭，去荃湾行吓买完嘢，就打算喺商场入面开餐，拣咗citiwalk2楼嘅M Kitchen，由于时间尚早都仲有位，由于地方濶落，间隔咗透明板都仲坐得舒适睇睇餐牌，介钱几相宜，两个人都几肚饿，所以都尽情咁叫，点咗原个蕃茄浓汤安格斯肥牛乌冬，煎安格斯纽西兰西冷牛扒，三文鱼凯撒沙律同埋炸物拼盘配蟹皇酱前菜先嚟凯撒沙律配烟三文鱼份量适中，当前菜几开胃乌冬用小火炉热住汤底，保持温度，够贴心。原个蕃茄剥咗皮，切开好Juicy，唔会太酸好好食。汤底够浓厚，配乌冬食一流，安格斯肥牛质素高，够谂又有牛味，完全系出乎意料，$68真抵安格斯西冷牛扒都几大块，叫咗七成熟，个熟到啱啱好，比起好多其他餐厅嚟得准确，肉质软得嚟有咬口，配上大量薯条，啱晒大食人士炸物拼盘有茄子、番薯、冬菇同埋南瓜，炸起唔会油立立，够香脆，配上香浓惹味嘅蟹皇酱（蟹糕），几上瘾。整体来讲，质素高而且街坊价钱，下次去荃湾应该会再回头。