桂林米線

营业中

休息中

沙田广源市场入面有条小型美食街，可以揾到唔同种类既熟食铺头，价格亲民，好适合住喺附近既街坊黎医肚。今次就拣左食呢间酸辣米线，佢同隔离既川香阁好似系同一个老细(?)，落单后见到姐姐去隔离拎食材😂。 🍴酸菜猪软骨腐竹米线$3535蚊大大碗，价钱比起好多连锁店更抵，肉既份量又多，好欣赏佢有配埋蔬菜添。汤底系重口味既酸辣汤，酸菜、花生同其他香料都落得唔手软，酸味辣味都好刺激，重口味人士一定钟意。而猪软骨既肉质就时好时坏，我第一次买系超软腍，但第二次就比较韧呢🙈。 🍴酸菜饺子腐竹米线$35呢碗同上面𠮶碗一样，只系转左做饺子。饺子皮滑，入面系白菜猪肉馅，似上海云吞feel。 整体黎讲系几惊艳既，卖相吸引，份量劲多，次次食完都要摊喺度🤣，质素唔系话超级好，但价钱真系抵到烂👍👍。铺头仲有其他川菜小吃选择，啱晒钟意食辣既人。