影片
更多
2008-11-05
48 浏览
铁板餐唔难揾，好多茶记连大家乐大快活都有得食，但系好食又平嘅都真系有啲难度，呢间莎乐美餐厅系我到目前为止觉得最抵食又几好食嘅扒房，每个餐都唔驶一百，又汤又餐又甜品，仲有星期一至四夜晚九点后入去食全张单八折，真系抵到丫！ 㖊晚又系有折，所以又走去帮衬，我哋叫咗一个美式什扒，一个西冷牛扒五成熟，个餐有以下嘅： 罗宋汤：好重好浓嘅牛肉味，食到一嚿嚿嘅牛肉粒粒，仲有洋葱同埋一条条切得好精美嘅甘荀喺汤入面，甘荀仲未煲到烂晒，稔稔地，几好味，我觉得佢个汤仲要好味过森美！ 餐饱：够热够软熟，一贯水准，搽埋牛油点汤食一流！ 美式什扒： 哗！多到丫！有牛扒、猪扒、鸡扒、鸡全翼、火腿、肠仔，配菜仲有薯角，椰菜花同蕃茄，真系好多嘢食！薯角得三嚿，可能怕装唔落，稔晒唔脆，但系索晒啲蒜蓉汁就好好味，当薯蓉食啰！牛扒最好食，虽然薄，肉汁仍然丰富，而且亦好稔；猪扒差少少，味道可以但有啲硬身，鸡扒煎得好香，皮亦够脆，鸡翼最快冻，所以麻麻，其他大路嘢，唔驶研究！ 西冷牛扒：肉身成吋厚、五成熟呈粉红色真系好稔！成块扒大到好似块铁板咁大，牛肉味浓又且肉汁丰富，啖啖都系享受，就算连牛扒侧边嘅肥膏都好香口，忍唔住食埋！ 甜品－
铁板餐唔难揾，好多茶记连大家乐大快活都有得食，但系好食又平嘅都真系有啲难度，呢间莎乐美餐厅系我到目前为止觉得最抵食又几好食嘅扒房，每个餐都唔驶一百，又汤又餐又甜品，仲有星期一至四夜晚九点后入去食全张单八折，真系抵到丫！ 㖊晚又系有折，所以又走去帮衬，我哋叫咗一个美式什扒，一个西冷牛扒五成熟，个餐有以下嘅：
罗宋汤：好重好浓嘅牛肉味，食到一嚿嚿嘅牛肉粒粒，仲有洋葱同埋一条条切得好精美嘅甘荀喺汤入面，甘荀仲未煲到烂晒，稔稔地，几好味，我觉得佢个汤仲要好味过森美！
餐饱：够热够软熟，一贯水准，搽埋牛油点汤食一流！
美式什扒： 哗！多到丫！有牛扒、猪扒、鸡扒、鸡全翼、火腿、肠仔，配菜仲有薯角，椰菜花同蕃茄，真系好多嘢食！薯角得三嚿，可能怕装唔落，稔晒唔脆，但系索晒啲蒜蓉汁就好好味，当薯蓉食啰！牛扒最好食，虽然薄，肉汁仍然丰富，而且亦好稔；猪扒差少少，味道可以但有啲硬身，鸡扒煎得好香，皮亦够脆，鸡翼最快冻，所以麻麻，其他大路嘢，唔驶研究！
西冷牛扒：肉身成吋厚、五成熟呈粉红色真系好稔！成块扒大到好似块铁板咁大，牛肉味浓又且肉汁丰富，啖啖都系享受，就算连牛扒侧边嘅肥膏都好香口，忍唔住食埋！
甜品－朱古力雪糕：佢啲雪糕会配埋碎果仁，朱古力碎，仲要好艺术咁绕啲朱古力浆落去，劲正，碎果仁应该系即日新鲜整嘅，咬落去脆卜卜，朱古力味超浓，虽然得几啖好快搞掂，但系因为太饱嘞比多啲我都食唔到，所以觉得啱啱好！呢个甜品真系大餐过后嘅完美终结呀！
饮品：冻咖啡及冻鸳鸯各一，味道够浓，不过如果可以大杯啲就好嘞！
呢间餐厅嘅铁板餐最正系上铁板嘅时候真系「沙」足一分钟，弹到一枱都系，块板有几热可想而知，食到尾啲嘢食仲可以至少系暖嘅，咁样先至叫得！
张贴
