鼎記糖水專門店

营业中

休息中

今日去咗清8探朋友，食完晚饭当然要食返个甜品，朋友就带咗我哋嚟间鼎记糖水专门店，佢话性价比好高。店舖内都有少量座位，我哋就选择咗堂食，一路都见到好多街坊嚟买外卖，足见佢嘅受欢迎程度。我哋四条友每人叫一款开心share 。最老𠮶位拣咗南北杏红枣雪耳炖木瓜，原盅炖3小时嘅中式糖水够哂滋阴，而且真材实料。木瓜清甜、雪耳够腍够滑，味道亦唔会太甜，真系高质素。后生仔女就会钟意食吓芒果甜品，椰香芒果桃胶小丸子西米露配搭新颖，冇谂过芒果同桃胶都咁匹配，再配合烟烟韧韧嘅小丸子，健康得嚟又好味。另外就拣咗芒果芋圆，呢度嘅芒果都好甜，混合埋史上最百搭嘅芒果汁，配乜都咁好食。四色芋圆分别系芋头、紫薯、南瓜同绿茶味，大粒得嚟又够Q弹，仲有烟韧嘅小丸子，真系冇得输。第四款甜品我哋就拣咗椰香紫米芋头西米露，上枱一刻就好似一个云石面咁壮丽。入面亦都真材实料，紫米芋头分量十足，混合椰奶香，绝对系高质嘅味道。呢间糖水舖真系街坊价钱，专业质素，款式又够多，最近仲见到佢喺外卖平台出现，所以我一定会再帮衬。