小英滷肉 (天盛街市)

营业中

休息中

又系收工买外卖返去食，位于天盛街市入面既小英卤肉主打台式外卖便当同小食，价钱黎讲唔算贵，3-40蚊左右都有个饭，小食都系十几20蚊左右，算几街坊价，至于质素如何今日就试一试。餐牌摆晒系门口，种类都算几多，主食有肉燥饭，鲁肉饭同干拌面等等，小食种类都唔少，买个饭加份小食都应该好够饱。盐酥鸡排鲁肉饭先赞一赞出餐都几快，我前面都仲有3-4个客排队我落单后都系5分钟就有，而且摸上手都好热，几新鲜，返家打开食，盒系用纸盒装，都几台式，盐酥鸡排都几大块，盐酥味好足调味做得几好，炸得都唔算好干，以上系值得赞既，但饭方面就比较弱d，饭份量系多既，但饭香唔够，最失败系个鲁肉，完全无油香，就算肥既部份都唔香，无肉汁捞埋饭食只会更干，呢方面系扣分位，如果解决左鲁肉既问题呢盒饭会好食得多。甜不辣加多份小食甜不辣20蚊，甜不辣即系鱼糕，口感比韩式鱼糕更烟韧，鱼味都几重，都食到少少甜味，缺点系非常油腻。整体黎讲街坊价钱食到台式野都唔算差，如果质素再改善下会更好。