阿來泰式地道風味 (已結業)

行经长沙湾见到呢间泰国菜个招牌好光猛，本来打算去打边炉都比佢吸引咗转食呢间！室内环境偏向街坊设计，感觉地道啲亲民啲。适逄当日系星期四，咖哩软壳蟹火山包做梗特价，我同友人都order返一客，软壳蟹啖啖肉，炸得都香口；咖哩偏甜，与其话佢系咖哩，我会形容系一个蛋茨汁多啲，一眼望落去就见到好多蛋花，点落软壳蟹食无咁dry。冬荫公酸辣味好平均，柠檬叶味好香好浓；虾有四只咁多好抵食。生菜包一样好抵食，两个人食每人都分到五次左右。同样呢个生菜包肉碎香料味好香，够湿一啲都唔干，对我来说可以再辣多少少，不过对于唔食辣嘅人来说呢个辣度已经足够吊起肉香。最后以两杯泰式特饮完成今晚嘅晚饭，饮品甜度啱啱好就已经好感恩！最怕太甜嘅饮品！叫咗咁多样嘢食，埋单先200蚊左右，真系够晒亲民架喇！