肉骨皇 (已結業)

今日放咗工，约咗住铜锣湾既街坊入大坑食下饭聚下旧～ 本来想试下肉饼但朋友话呢间肉骨皇啲野食都唔错 咁就咁系听佢讲试下呢间街坊餐厅啦朋友系雀仔胃，而且我又唔系好饿，所以我地唔系叫咗好多嘢洋葱酥饼：喺酥脆嘅酥饼入面有满满嘅洋葱，为酥饼增添上不同嘅口感外，仲增添多份惹味，蘸埋附上嘅咖喱汁就更滋味～～古法肉骨茶：呢度嘅肉骨茶系招牌菜，点都要试吓啦。上台都闻到浓厚嘅肉骨茶嘅药材味，佢哋嘅汤用料十足～除咗有药材味外，仲有排骨煨煮嘅肉香骨香嘅味道，佢哋每煲汤嘅排骨份量好够，亦煮得好入味，够哂稔，蘸埋佢哋嘅秘制黑酱油，更加能突出排骨嘅肉味同骨香。而汤入面嘅其他配料好似有金菇，枝竹，豆卜等等都索哂香浓嘅汤汁精华，旧旧都好好味。佢地好得意，个煲仲配左几粒油炸鬼，老板娘话点下个肉骨茶黎食，哈几盏鬼但肉骨茶无碗饭黎配我又过得讲唔过去，所以我地都叫左碗油饭，用嚟配浓郁嘅肉骨茶就最啱～～～ 仲一人一杯咸柠七，慢慢食下野饮下野就过左个开心夜晚～