新錦園大排檔

营业中

休息中

想食大闸蟹，但又唔想系屋企整 懒得煮洗煮抹，最好出街食，但去舖头食一定贵啲。最后朋友拉队去大角嘴街市楼上熟食档，代客加工煮海鲜，海鲜就自己去旺角街市买。去到当然叫啲少炒啦。潮莲烧鹅，皮薄肉嫩，鹅肉唔干有肉汁，非常之入味。椒盐白鳝，椒盐味香脆，但都系衬鱿鱼多啲，白鳝都系豉汁蒸最正，但椒盐都好香口。濑尿虾自己买，一斤有八只，拎去叫舖头椒盐煮，肉质爽弹鲜甜，椒盐味唔太咸，好食。蒜蓉粉丝蒸圣子，味道好好，但蒸过左少少，下次炒会好啲，镬气够啲。七两重大闸蟹，清蒸无有错。豉油王炒面，味道系细个仔果啲味。姜汁芥兰，有啲比较老。整体味道同服务都好好。完全合格，全部连工包料买个人 每人$510 都算好抵食👍🏻