木船泰國粉麵專門店 (已結業)

上左同学屋企一齐死project，做到肚饿见就跟左地头虫，一齐叫左佢嘅至爱街坊饭堂外卖！第一次食点知好有惊喜，唔好以为外卖冇质素，真系出乎意料地好食！招牌烧豚肉饭豚肉饭上面铺满住腌青木瓜丝，口感清爽好脆口，好重芫荽味。豚肉系酱烧，肥而不腻好惹味！海南鸡饭海南鸡饭嘅姜黄饭好好食，充满着鸡油同姜黄嘅香气。好欣赏店舖啲鸡全部都系去骨嘅，真系好啱我呢啲食肉兽。而且佢仲有三款酱料俾你点，我最钟意系𠮶个甜甜地嘅豉油膏。青咖哩鸡饭青咖哩一入口首先带甜味，之后后劲慢慢辣上喉咙，味道10分有层次。而且佢系用鸡柳啖啖肉冇骨嘅食落好方便，鸡柳食落都几嫩嘅唔会柴。小吃三吃三吃有中华沙律，鸡卷同埋吞拿鱼。冬阴公汤冬阴公汤味道偏辣嘅但饮到又好香嘅嘢奶味，重口味人士至爱。肉丸扎肉鸡汤鸡汤应该系用鸡骨拗出嚟嘅，饮落充满住鸡嘅鲜味好浓郁。