Burger's Friend Forever (MONTEREY Place) (已結業)

作为将军澳居民，谂食乜都谂爆头。唔想餐餐食连锁，揾间小店？想高质又货真价实？行出海滨，都有几个好选择。今日就去咗食burger!! Monterey 愈来愈多小店，系donki个商场沿地下左手边直行，经过一排舖仔，就见到burger’s friend forever。店面唔算大，大概得5,6张4人枱。Burger选择有14款，包括牛鸡猪鱼，种类算多。另外，生酮朋友有福，有生酮包 蛋糕同曲奇拣。如果唔想食burger，仲有意粉 小食选择。#至尊汉堡贪心鬼拣咗个最大嘅，同朋友一半share。两层牛肉，两层芝士，再加烟肉同蛋，底下有菜同蕃茄，上菜时震撼咗我。超大个超厚！擘大口肯定一啖都食唔晒！牛肉好juicy，唔会柴枝咁干，加上烤洋葱汁，一边咬一边漏汁，烟肉同蛋帮佢加咗另一个层次，汉堡包包皮有焗香，少少脆口。另外仲加咗一份小食，叫做炸鱼手指。初初以为一定系普通嘅鳕鱼手指，点知原来用鱼柳做，揸得好香脆，而且冇雪藏味，我相信佢哋嘅鱼柳包都应该会好好食。餐饮升级左做蜜糖香蕉云呢拿奶昔云呢拿味好重，而且好香滑，有少少香蕉蓉，加上蜜糖，成件事非常夹。邪恶到极点。