津津小廚

营业中

休息中

系海滨花园啲食肆都系做街坊生意，中午路过见几多人食于是入去试试。餐牌有3张兼底面印，共6大页。有选择困难症啲就真系唔知点算。仲有当日快餐餐牌，不过唔记得影相。最后拣咗当日快餐中啲干炒牛河，送中汤或热饮，冻饮加$3。河粉炒得干身唔油腻，不过有几多河粉系黏唔够散开，牛肉就无唛牛味兼韧。另一个就叫咗猪扒面餐，反而有惊喜㖞除咗碗面仲有一大块煎猪扒，一只煎蛋，一条鸡肉肠同一块蒜蓉多士，份量十足，块猪扒腌得都几入味块蒜蓉多就烘得唔够脆，不过都算唔错。个面餐一样送热饮，非常抵食。顺带一提，两个餐都好够热。