更多
2024-12-14
435 浏览
是日早收工出咗元朗行街,懒得煮饭下买d外卖等太太收工一齐食,来到了人气外卖店「寻味」。招牌米粉 :可以选择辣度,即叫即炒镬气十足,配料有鱿鱼、午餐肉、猪肉片等等,米粉炒得干身唔油腻,小辣下相当惹味。咸鱼鸡粒炒饭 :份量十足,一打开盒盖即刻传来强烈咸鱼香气,炒饭呈金黄色,粒粒分明,软硬适中,入口满口咸香味。跟餐加七蚊有明火靓汤,老板娘话每日都新鲜煲,天天唔同款,无落味精下饮得出火喉十足。手打牛肉饼 :一碗大约有十多块,肉质爽口弹牙,牛味香浓,配埋清甜嘅汤,好好味。自制猪软骨 :炆得好淋好入味,味道甜甜地送饭一流;另外仲有d薯仔粒,吸收晒汤汁后份外惹味。
张贴