坤記煲仔小菜 (已搬遷) 新店位置

今日约咗朋友喺西营盘附近，咁就顺便揾吓有咩好食，见到呢间坤记嘅煲仔饭喺openrice 评语几唔错，就谂住试吓。坤记小炒王小炒王味道唔错，有韭菜、好大只嘅虾干、鱿鱼，腰果炒埋一齐，好有镬气，上枱仲热辣辣，韭菜好爽口同埋其他配菜一齐食口感丰富。豉椒炒蚬啲炒蚬新鲜无沙，同埋青椒洋葱豉椒炒埋一齐，每一只蚬都炒得好入味，好香口。白鳝煲仔饭啲白鳝几新鲜、啲肉几滑，成个煲仔饭热辣辣再加埋煲仔饭豉油捞埋一齐食好香口再加咗少少辣嘅红椒捞埋上去，少少辣好开胃，喺呢度嘅推介菜。呢间煲仔饭真系算唔错，其他小菜好有镬气，价钱都好平民感觉都几抵食，下次可以再去。