聚友小廚

营业中

休息中

旧地重游，好久以前在石门返工，现在多了商场同好多食店，回想过去lunch time真系无啖好食㗎😂食店太多，一时间唔知食咩好，经过聚友小厨，个老板（？）大力推荐佢地嘅小菜，就试下呢间啦。⭐椒盐鲜鱿先来个香口野，确实炸得很香脆，鱿鱿大大块份量很多，但个人觉得椒盐唔够多，偏淡了点，食惯重口味嘛😆⭐西芹腰果炒肉丁西芹爽脆甜，炒得干身唔油腻。⭐蒜蓉豆苗大大盘豆苗正㖞，有镬气有蒜香😋⭐蒜子火腩大鳝煲火腩同鳝都多，一大煲无稀场，个煲烧到啫啫声劲香呀，咸香鲜味，下层有几件萝卜，吸饱汁超正，唯美中不足系蒜子唔多，哈哈😆⭐生炒糯米饭冬天必食名物，呢间个糯米饭都炒得唔错㖞，香甜软糯😊无估到碟头咁大，叫太多超饱呀😆