京都薈 (已結業)

平时好少去青衣，多数都系去青衣城行，不过朋友话最近长发多左好多野食，除左有青街之外，仲多左好多餐厅，所以就一于试下啦！呢间虽说系一间中式酒楼，不过单看牌都感受到并唔系咁传统式的。而且酒楼都好大，好多街坊客都会嚟帮衬呀！加上酒楼都有好多平价套餐，真系好吸引呀！夏日炎炎，最岩就系饮啖汤清清地。呢个冬瓜盎真系又清凉又消暑，而且份量都好大，真系饮多几碗已经饱晒。店员会帮我地装好一碗碗，见到有好多瓜同料，证明冬瓜盎真系足料的。冬瓜色泽透明，而且瓜肉超厚，绝对系抵食，份量唔少，都可以食到好多瓜，而且都好多汤系入面，唔会愈食愈无水。点了一份生炒骨，生炒骨最难做到就系粒粒骨都可以沾到汁，而且好难做到色泽均衡，而且生炒骨酸酸甜甜，所以都好开胃。而今晚嘅主角系就系呢个黑椒猪手啦！猪手系原只上而唔系斩晒件，感觉非常大份，而且仲有洋葱系底。切开少少，倒入黑椒汁令猪手可以更入味。而洋葱又可以吸晒黑椒汁的味道，真心正呀！识食一定系将洋葱拌出，令洋葱可以吸下猪手嘅油腻。切了一旧拌饭，真心好大旧好厚肉，绝对系正又入味，拌饭一流。