天誠冰室

营业中

休息中

好耐冇食过茶餐厅嘅炒河，行过得宝商场附近见到有间叫天诚冰室，就打算入去试吓。入咗去环境系旧式冰室感觉，店员既态度良好，餐牌都系本地茶餐厅嘅款式，我点咗一个肉丝炒河，上碟嘅时候热辣辣，料头丰富，都算有镬气，但略嫌咸味唔够。用嘅系幼河粉，钟唔钟意见人见志，我本人就都觉得OK可以接受。份量都好大碟，食完都好饱下。我个人好钟意旧式食店嘅感觉，而佢比到呢种感觉 ，虽然环境唔算新净，但系就有一种港式嘅感觉，对于一啲钟意怀旧嘅朋友，我认为值得一试。