京都薈

营业中

休息中

呢度嘅晚市套餐全部都好经济实惠。我同屋企人嚟试咗几次佢嘅海鲜晚餐都系好平。虽然价钱平，但系佢嘅海鲜都唔失礼，我哋次次食蒸鱼都系几满意另外上次叫咗啲龙虾伊面。龙虾系新鲜，亦都见到佢哋嘅鱼缸好多鲜龙虾，唔怕食到死货。我哋屋企有几个生日会同埋百日宴都系呢一间酒楼度搞，佢哋间房，间得几好。绝对教私人空间，同埋所有套餐嘅价钱都相对比其他酒楼平价，但系佢嘅食物质素依然好。屋企嘅老人家好钟意落嚟食饭。 平日中午饮茶嘅话呢度质素都唔差，而且唔系好使等位。呢度嘅烧卖好大粒同埋好弹牙唔会有好多肥猪肉喺入边。另外几钟意呢度嘅烧味饭，次次饮茶我哋都系会叫嘅。烧味都几脆皮同埋调味做得好好。