薄荷葉泰國菜

营业中

休息中

返咗成日工挨得咁辛苦又系时候收工去食好西啦！今日约咗朋友去元朗试一试泰国菜🇹🇭「薄荷叶」餐厅老板好亲民☺️极力向我地推介咗几个菜式，食落都唔错前菜系甜柚鲜虾沙律🥗柚子，蔬菜加上原只大虾🍤！食落肚，酸酸甜甜，认真开胃，令我食欲大开接著系泰式烧猪髀仔！听老板讲衣家货源猪仔骨相对size比较细，所以佢哋一啲都唔吝啬比多嚿，认真抵赞👍👍👍 猪髀仔表面搽左一层叉烧蜜汁，每一件都啖啖肉，再蘸上泰式辣酱，好香口😋再嚟一碟传统泰国美食，黄咖喱🥘配新鲜鸡加薄饼，份量唔惹少，同平时食开辣咖喱有啲唔一样，呢到咖喱偏甜适合香港人口味，新鲜鸡冇雪味。薄饼香脆可口，点埋咖喱汁落去，简直系绝配😋😋😋最后一碟椒盐魔鬼鱼🐟系我最期待嘅美食，经过厨师嘅高温煎炸，条鱼香脆到连骨都可以食埋，配搭埋特色嘅酸甜酱及青酱别有一番风味！最后亦叫咗两杯嘢饮青柠梳打及泰式石榴汁🥂🍹。吃饱喝够，为今日画上一个完美句号。