燒味滷師 (大廈街)

营业中

休息中

呢排成日都冇得出去堂食，喺屋企附近斩料加𩠌简单又唔使烦，呢间烧味都帮衬开，成日有特价烧味，好似呢日就有$40半斤叉烧。同埋佢啲烧鹅好抵食多肉。。🥢叉烧$40半肥瘦叉烧，肥瘦适中，多汁够香，简单捞饭就好食。。🥢烧鹅$110叫上庄够晒食，价钱绝对抵食，件件厚肉，烧鹅汁另上，唔建议加太多，会盖过左个香味。。🥢盐焗鸡$45半只鸡$45，一只就$88，好多人都黎叫鸡食，佢个盐焗味唔错，但骨位今次就偏红左少少，但都收货啦。。🥢凤爪拼海蜇$45小朋友成日话要食，但我就觉得辣咗少少，不过呢啲唔识自己整既野都系出去帮衬先食到 。题外话，佢既烧腩骨同鸡翼都好多人买，总结都系抵食既