茶舍 (儲金閣)

营业中

休息中

大埔最近开左好多新餐厅，呢日行到黎大明里见到咁多人帮衬，入面环境又阔落干净，于是就决定试试佢。呢间餐厅同好多餐厅一样，都系用电话落order，我同朋友两个人一共嗌咗两个主食、一个沙律同两杯嘢饮。首先系烟三文鱼沙律，之后系浓虾汤海鲜饭，一上台就闻到好香虾味，入边仲有好多海鲜，有鱿鱼、青口、扇贝同蚬。紧住就系软壳蟹白酒海鲜天使面，卖相好吸引！！！软壳蟹炸得好香，朋友好快就食晒。最后好想推介呢杯芒果沙冰，饮落唔会好甜，仲要有芒果肉，而家大热天时饮真系好正。呢间餐厅样样嘢食都咁大份，咁嘅价钱真系超抵食。