麵屋丸京

营业中

休息中

呢排女朋友工作好忙 成日都淨係得返我一個食晚餐 食完晚餐再等佢返屋企先見到一面🥺 雖然一支公去食飯有時都幾悶 但係可以唔駛就其他人 想食咩就食咩 有時呢啲自由嘅空間都唔錯㗎今日食咗呢間想試咗好耐嘅拉麵店 點解咁講呢 係因為通常夜晚都有長長嘅人龍 令到我嘅港女女朋友一見到 就毫不猶豫咁話唔想排😢 令到我好掛住日本嘅我根本都冇機會試見唔駛理佢 就可以排隊食吓 見到要排晒長龍 我諗應該都幾好食😋 可能係一個人啦 所以都好快就有得入座 服務都唔錯 一坐低店員就放低一壺冰水 真係有冰喺入面㗎 夏天嘅夜晚都好熱 所以入到嚟飲啖水 降降溫都幾舒服我就叫咗一碗最普通嘅豚骨拉麵 因為我唔知餐紙上嘅真叉燒同叉燒有咩分別 所以諗住慳啲錢嗌個平平哋嘅拉麵 賣相都okay😗 湯底好濃郁 而且拉麵都幾掛湯 叉燒每一片都好大片 溫泉蛋都好食 完全唔會過熟終於都明點解會大排長龍 呢個價錢冇收加一 但係服務態度亦都好好 唯一美中不足嘅就係佢只收現金😂