影片
更多
2016-07-08
1591 浏览
星期六能够自然醒，再同父王母后食个靓早餐真系一件美事。基本上我次次都系点呢个餐。我最钟意瑞士有得免费转汤底做罗宋或者蕃茄汤底。呢种传统香港茶餐厅风味既罗宋汤，酸酸甜甜，又多菜粒，我最钟意。火腿奄列、鲍鱼丝火腿米粉（罗宋汤底）配菠萝油呢个餐真系几大架，如果食哂，午餐都可以悭番。不过食落我就觉得真系太多火腿丝，奄列又有、米粉又有，唔知可唔可以将其中一样改下？跟餐可以拣菠萝油或热狗。菠萝油咁邪恶既野，一向都系我至爱。呢度既菠萝油就真系……差既，因为佢好明显系翻叮，虽然个包暖，但最重要既菠萝皮就完全系淋既，扣唔少分，所以每次食完我都会话下次叫热狗好过（试过都几好食），但下次再去我肯定又会唔记得左呢个感觉，想俾多次机会佢。（其实有时做人就系咁，唔知要骗自己去俾机会人到几时。不过唔伤身既事，重覆错下又无伤大雅既。）饮埋杯热茶走，同屋企人谈天说地，咁就一朝。瑞士既餐牌选择真系够多，而且每样质素都唔错，加上呢间分店星期六空空如也，同平时午饭时间既中环分店差天共地，呢度装修同环境都加哂分，茶餐厅价钱黎讲街坊完全食得过。
星期六能够自然醒，再同父王母后食个靓早餐真系一件美事。
基本上我次次都系点呢个餐。我最钟意瑞士有得免费转汤底做罗宋或者蕃茄汤底。呢种传统香港茶餐厅风味既罗宋汤，酸酸甜甜，又多菜粒，我最钟意。
火腿奄列、鲍鱼丝火腿米粉（罗宋汤底）配菠萝油呢个餐真系几大架，如果食哂，午餐都可以悭番。不过食落我就觉得真系太多火腿丝，奄列又有、米粉又有，唔知可唔可以将其中一样改下？跟餐可以拣菠萝油或热狗。菠萝油咁邪恶既野，一向都系我至爱。呢度既菠萝油就真系……差既，因为佢好明显系翻叮，虽然个包暖，但最重要既菠萝皮就完全系淋既，扣唔少分，所以每次食完我都会话下次叫热狗好过（试过都几好食），但下次再去我肯定又会唔记得左呢个感觉，想俾多次机会佢。（其实有时做人就系咁，唔知要骗自己去俾机会人到几时。不过唔伤身既事，重覆错下又无伤大雅既。）
饮埋杯热茶走，同屋企人谈天说地，咁就一朝。
瑞士既餐牌选择真系够多，而且每样质素都唔错，加上呢间分店星期六空空如也，同平时午饭时间既中环分店差天共地，呢度装修同环境都加哂分，茶餐厅价钱黎讲街坊完全食得过。
张贴
