影片
更多
2018-10-28
714 浏览
今晚屋企唔煮饭，所以同埋爸妈一起落街食，超初打算去食快餐，但妈妈就建议去食小菜，所以就即时想起街尾的华汉平日晚饭时间，都几多人帮衬，同埋加上星期三晚跑马，好彩去到刚刚有个卡位，唔驶等，然后就要左两个煲仔菜，贪佢有个煲仔可以热辣辣，晚饭每个小菜会有个例汤，两个白饭，再最后有杯餐饮，都只系＄56，其实相当抵食，今晚个例汤系蕃茄薯仔，味道普通，不过都好大碗，饮完都已经饱左三分一第一个煲系豆腐班腩，非常足料，有埋姜葱一齐相当够味，烧肉都好多，而且都已煮得好腍第二煲就要枝竹牛腩煲，牛腩已经炆得好腍，不过都系有点痴牙，但我最钟意系入面嘅牛筋，完全入晒味，同埋腍到完全唔驶咬，还有个汁用来送饭简直一流
张贴
