泰廚泰國菜館

营业中

休息中

今日放工要同老婆出旺角帮屋企班大帝买干粮，帮完佢地买野食，咁就梗系轮到我俩医一医肚，呢间食店嘅门口有员工烧串烧，香喷喷，我眼见都有好多人都排队买串烧食，我未食都已经流口水，所以决定入去试。等咗一阵就可以入去，舖头唔算大，但系有两层，我哋坐地下果层，晚市都好多人食。先点个细嘅小食拼盘 $68，串烧的确出色，鸡肉同猪肉都嫰滑无比，再配上香浓嘅沙爹汁，唔怪得咁多人排队啦。马拉盏肥牛通菜 $67老婆至爱，所以点咗呢个𩠌，通菜同肥牛都好嫩，好多马拉盏汁淋上面，可能我地冇捞均，所以觉得咸咗少少。泰式明炉乌头鱼 $94呢度每晚都有一个特价𩠌，今晚系乌头，另外仲有一碗汤配埋，将啲汤淋上鱼身，再配埋香茅，滚番起再饮，正 !泰式生虾 $1原来食满二百蚊，仲可以加一蚊配一个小食，生虾肉身非常爽口，配埋个生虾酱汁，少少酸辣，good !椰青 $33食泰菜点可以冇椰青，青甜透心凉。