佳餚美饌 (已結業)

是晚菜单： 莲藕饼 龙虾捞面 粉丝蟹煲 豉椒炒蛏子 姜葱炆斑头腩 豉油鸡 啫啫唐生菜 呢间佳肴美馔系朋友介绍，话抵食又免开瓶，好啦，有人生日又去试吓。 海鲜要预订，最出名系个龙虾面。 可能知我哋肚饿，第一碟出场的竟然就系个龙虾面，用两只龙虾拆肉，上汤煮，再加姜葱、虾子，粗面垫底，确然几好食，味道略咸。 其他菜都陆陆续续上场，比较瞩目系碟蛏子，因为平时啲菜馆都系炒埋一碟就上枱，边有人排到扇形咁好心机，味道好，也新鲜。姜葱炆斑头腩，好食，食咗一旧想再食都冇。 豉油鸡，应该系新鲜鸡，都几咸。 粉丝蟹煲 ok 啦。 总括嚟讲，几抵食 ，呢餐埋单＄3500 ，9个人。 虽然喺跑马地，但系冇咩装修，而且前身系茶餐厅，所以啲装置有啲奇怪，仲会听到厨房炒𩠌时的”哄哄声”真系热闹。 另外，服务一般，又系𠮶啲叫佢可以攞个生日蛋糕出嚟，系会连纸袋放上枱𠮶只， 大家想去的话就留意番要冇咩要求。