恆達油渣麵

营业中

休息中

夜晚喺旺角饮完野又想食野，本身想去食果间已经 last order 左，行行下讲起网上介绍过呢间 恒达油渣面，于是就行过去睇下仲有冇得食， 好彩仲有， 好多年无食过 油渣面 喇真系。一家小店坐位唔多，听得出好多都系成日嚟嘅熟客，一坐低店员问饮唔饮汤，本身因为啱啱先饮完一轮酒都无意欲要饮汤，就同佢讲声唔好意思下次先试啦， 点知佢话：「饮啦，好正架，个个嚟都一定饮架～」，好！ 既然出呢招就试下，汤系「石崇鱼煲花胶」又真系几好饮，真系好似住家饭有碗汤饮嘅感觉。 佢个油渣面，同之前食过果啲好唔同，佢唔系炸到好尽好干好脆果种，系仲有咬口仲有味道，配合埋佢啲菜脯爽呀～ 佢亦可以两拼其他食品，我地就拣左猪手，亦系好腍好入味，成碗野你话系咪美酒佳淆？老实讲就真系唔系，但系作为街坊小店深宵食堂，的确系唔会输。另外虽然佢招牌系油渣面，但系见其他客人 好多都系食小菜客饭，似乎都系高手嚟，揾次要试下先。